اہل بیت(ع) نیوز ایجنسی۔ابنا۔ آیت اللہ العظمیٰ شیخ بشیر نجفی کے حالیہ دنوں ہوئے دل کے آپریشن کے بعد قم سے تین مراجع تقلید نے نجف اشرف ٹیلیفونک رابطہ کر کے موصوف کی صحت کے بارے میں اطمینان حاصل کیا ہے۔
آیات عظام صافی گلپائگانی، وحید خراسانی اور مکارم شیرازی نے آیت اللہ بشیر نجفی کے بیٹے سے گفتگو کر کے موصوف کی سلامتی کے بارے میں پرس وجو کی۔
ان مراجع تقلید نے ٹیلیفون پر ہوئی گفتگو کے آخر میں جہان تشیع کے مرجع تقلید اور استاد حوزہ علمیہ نجف کی صحت و سلامتی کے لیے دعا کی۔
قابل ذکر ہے کہ آیت اللہ شیخ بشیر نجفی ۵ اپریل بروز ہفتہ کو قلبی ناراحتی کی وجہ سے نجف اشرف کے ایک ہسپتال میں بھرتی ہوئے اور خیر و عافیت کے ساتھ ان کے دل کا آپریشن ہو گیا۔
نجف اشرف کے صدر ہسپتال کے ہارٹ اسپیشلسٹ نے ان کا معائنہ کرنے کے بعد ان کی جسمانی حالت کا بہتر قرار دے کر ہسپتال سے رخصت کر دیا ہے۔
۔۔۔۔۔۔۔۔۔۔۔۔۔۔۔۔۔
۲۴۲
